أنا رزان كناعنة يحيى، خبيرة تجميل ومكياج مهني بخبرة أكثر من 11 سنة في عالم التجميل .

بدأت رحلتي من غرفة صغيرة في البيت، ومع الشغف الكبير وحبّي للتطوير، قدرت أبني استوديو كامل وأدرّب عشرات الصبايا اللي صاروا اليوم يشتغلوا فعلياََ ويبنوا اسمهم بالمجال. 

اشتغلت مع مئات العرايس، وقدّمت دورات مهنية من الصفر للاحتراف، وخلال كل هالسنين، فهمت تماماً شو اللي بنجّح الصبية… وشو اللي بوقفها

واكتشفت إنه خبيرة المكياج اللي بدها تبني شغلها… لازم تتعلم أكثر بكثير من بس مكياج. 

تعلمت المكياج، أكيد…

بس كمان دفعت مبالغ كبيرة على دورات تصوير، تعديل، تسويق، إدارة مشروع، بناء هوية، التعامل مع الزباين، تطوير المحتوى.

سنة ورا سنة… تجربة ورا تجربة… دورة ورا دورة.

كل مهارة من هذول احتاجت وقت ومصاريف وتجارب لحتى أوصلها.

وعشان هيك…

قررت أجمع كل اللي كنت محتاجته أنا، وكل اللي تعلمته من سنوات شغل ودراسة ودورات…

وأقدّمه للبنات داخل كورس واحد شامل وقوي بيختصر عليهم طريق طويل جداً.

هالكورس مش زي دورات المكياج التقليدية اللي بتركّز على “لوك” أو “تكنيك” وبس.

هو برنامج متكامل بعلّمك: 

✔ مكياج مهني بطريقة بسيطة وواضحة

✔ بناء هويتك المميزة بالسوق

✔ تصوير وتعديل احترافي يرفع قيمة شغلك

✔ تسويق ذكي يجلب زباين حقيقيين

✔ خطوات عملية لبدء مشروعك كميك اب أرتيست

أسلوبي بالتدريب دايماً واقعي، صريح، ومبني على دعم شخصي لكل بنت.

لأن كل طالبة عندي هي مشروع نجاح جديد… وبآمن إن نجاحك هو امتداد لنجاحي.

وإذا بدك تتعلمي من مدرّبة مشت الطريق، واستثمرت، وجرّبت، وتعلمت…

ومستعدة تختصر عليك سنين طويلة —

فأنتِ تماماً بالمكان الصح. 💛